தூங்குமூஞ்சி மரம் பொதுப்பண்புகள்

* மரத்தின் பெயர் : தூங்குமூஞ்சி மரம்

* தாவரவியல் பெயர் : அல்பீசியா சமன்

* ஆங்கில பெயர் : Rain Tree

* தாயகம் : தெற்காசியா

* மண் வகை : அனைத்து வகை மண்ணிலும் வளரும் மரம்

* தாவர குடும்பம் : ஃபேபேசேயே

* மற்ற பெயர்கள் : பண்ணி வாகை, மழை மரம்

பொதுப்பண்புகள் :

* தூங்குமூஞ்சி மரம் 60-80 அடி உயரம் வளரக்கூடியது.

* அடிமரம் குட்டையாகவும் மேல் குடைபோல் பரந்தும் இருக்கும். இவை இரட்டைக் கூட்டிலை கொண்டது. ஆதில் 2-4 இணை ஈர்க்குகளும், ஒவ்வொரு ஈர்க்கிலும் 2-8 இணைச் சிற்றிலைகள் இருக்கும்.

* இரவிலே சிற்றிலைகள் கைகளைக் கூப்புவதுபோல் இணையாக மடிந்து கொண்டு தொங்கும். பொழுது சாயும் சமயத்தில் இவ்விலைகள் மூடி தொங்கிக் கொண்டு இருக்கும். இதனால் இதை தூங்குமூஞ்சி மரம் என்கின்றனர். மேலும் மழை வருவது போல இருக்கும் சமயத்திலும் இப்படி மடிந்து தொங்கிக்கொள்ளும்.

* இம்மரத்தில் சில வண்டுகள் விழுந்து இளந்திசுக்களைத் தொலைத்துச் சாற்றை உறிஞ்சும். இப்பூச்சிகள் அரிப்பதால் சாறு சிறு மழைத்துளிகள் போல் சிந்துவதுண்டு. இதனால் இம்மரத்தை மழை மரம் என்றும் அழைப்பர்.

* இந்த மரம் 30 வகை உண்டு. இதன் கனியும், இலையும் பசுவிற்கு போட்டால் பால் அதிகம் கொடுக்கும்.

பயன்கள் :

* கோடை நிழலுக்கு தூங்குமூஞ்சி மரம் மிகவும் ஏற்றது. இது பூமியை குளிர்விக்கும் திறன் கொண்டது.

* கால்நடைத் தீவனத்திற்கு தூங்குமூஞ்சி மரத்தின் இலைகள் பயன்படுகின்றன.

* மேய்ச்சல் நிலங்களில் நடுவதற்கு இந்த மரம் ஏற்றது.

* சாலையோரங்கள், அலுவலகங்கள் மற்றும் பள்ளி வளாகங்களில் நிழல் கொடுக்க, தூங்குமூஞ்சி மரத்தை நடவு செய்யலாம்.